2025 թվականին ATP-ն Լոռու, Շիրակի և Կոտայքի մարզերի ինը համայնքներում ավելի քան 250 հեկտարի վրա տնկել է 1,000,050 ծառ։ Այս անտառները տարիների նախապատրաստության արդյունք են՝ տարածքի ընտրությունից և էկոլոգիական պլանավորումից մինչև տնկում և երկարաժամկետ խնամք։ Յուրաքանչյուր տարածք մշակվում է տեղական համայնքների հետ սերտ գործակցությամբ՝ ապահովելով էկոլոգիական համապատասխանությունն ու երկարաժամկետ կայունությունը։
ATP-ի անտառային աշխատանքն ուղղակիորեն աջակցում է գյուղական կենսապայմաններին։ 2025 թվականին ծրագիրն ստեղծել է 506 սեզոնային աշխատատեղ՝ գյուղական տնտեսություններին ապահովելով ավելի քան 152 միլիոն դրամ (ավելի քան 400,000 ԱՄՆ դոլար) եկամուտ։ Համայնքի անդամները կարևոր դեր են խաղում անտառների ստեղծման ու խնամքի գործում՝ ապահովելով ծառերի երկարակեցությունը և ստեղծելով բնապահպանական վերականգնման «կանաչ» աշխատատեղեր։
ATP-ի անտառային ծրագիրն ամրապնդվում է առաջատար միջազգային կլիմայական և զարգացման գործընկերների հետ գործակցությամբ՝ հնարավորություն տալով ATP-ին ընդլայնել անտառստեղծման աշխատանքը և նպաստել Հայաստանի ազգային կլիմայական հարմարեցման նպատակների կատարմանը։
ATP-ի անտառային տարածքները տարբերվում են մասշտաբով և աշխարհագրությամբ, բայց բոլորը կիսում են ընդհանուր նպատակ՝ ավելացնել Հայաստանի անտառածածկույթը, ամրապնդել էկոլոգիական համակարգերը և կառուցել երկարաժամկետ կայունություն համայնքների ու բնության համար։
Տարածքի ընտրություն և էկոլոգիական պլանավորում
Համայնքահեն տնկում և խնամք
Երկարաժամկետ գոյատևման մշտադիտարկում
Էնդեմիկ, կլիմային հարմարված տեսակներ
Ձեր նվիրատվության շնորհիվ Անտառային հիմնադրամը ծառեր է տնկում և ներդրում կատարում մեր հայրենիքի ապագայի մեջ։
